Abakozi ba gavumenti 4 bakwatsirwe ahabw’esente za PDM- Kabale.

243
0
SHARE

N’ebya Omushaki Weitu.

Pooriisi omu disiturikiti ya Kabale ekwatsire abakozi ba gavumenti 4 ab’omu disiturikiti egi ahabw’okukoresa kubi esente za puroguraamu ya Parish Development Model ezirikurenga shiringi obukikuru 289.

Elly Maate, Omugambirizi wa Pooriisi ahabw’ekyanga ekya Kigezi, naagamba abakwatsirwe nka: Edward Ntimba- owabaireho Diisi wa Kabale, Beda Mwebesa- Orikukurira eby’emishuburo’Production’ ahabwa Kabale, Boaz Kakuru- Planner wa disiturikiti hamwe na Christopher Namara- ori Community Development officer ahabwa Kabale.

Aba bakwateirwe omu rukiiko orubaire omu ofiisi ya RDC kandi rubaire rurimu abakuru kuruga aha kiteebe kikuru kya Parish Development Model, Kampala.

Bamwe aha bakozi ba gavumenti omuri Kabale abakwatsirwe: PHOTO: Job Namanya

Nikigambwa ngu omu mwaka gw’eby’esente ogwa 2021/2022, disiturikiti ya Kabale ekatunga sente zirikurenga shiringi obukikuru 563 ezabaire zigyenderire kukora emirimo ya puroguraamu egi hamwe na shiringi obukikuru 289 ezabaire ziri ez’okuheebwa za SACCO z’emiruka kandi ziri ez’okugaruzayo.

Beitu hoona, abakuru omu disiturikiti ya Kabale nibagambwa kuba baryangatanise esente ezi shiringi obukikuru 289 ahagati y’okwezi kwa 7 omu mwaka gwa 2021 n’okwezi kwa 6 omu mwaka gwa 2022.

Maate naagira ngu aba nibaija kuteebwaho omushango okucondooza kukurahwe.

LEAVE A REPLY