Omushaija naajunaana Pooriisi ahabw’obutamuringaaniza.

184
0
SHARE

N’ebya Stephen Nuwagira

Omushaija w’emyaka 60, Joseph Rwabuhinga, ow’omukyaro kya Mahega omu diviijoni ya Kagongo omu Munisiparite ya Ibanda nayetomboitira Pooriisi ahabw’eki ayetsire obutari buringaaniza.

Rwabuhinga naagira ngu omwihwa amazire ameezi maingi arikumuteera obwo arikumutura okushagika nyina omu mushango ogu yaamutabaariize omu kooti arikutura omutabani okwenda kumubinga omunju.

Naagira ngu omutabani amuteire yaahika n’ahakutunga obuhuta omugongo.

Joseph Rwabuhinga, arikworeka ahi ahutaire omumugongo: PHOTO: Stephen Niwagira

“Nkatwara omushango aha Pooriisi beitu mwihwa wangye owanteire takakwatwa ga n’okuhisya hati,” Rwabuhinga arikushoboorora.

Nayongyeraho ngu omwihwa aine akarwariro omu tauni ya Ibanda kandi ngu nagyenda naagira ngu tihaine orikubaasa kumukwataho.

Rwabuhinga naagira ngu Pooriisi tefeireyo kukwata nyakujunaanwa nari shi okwohereza faayiro y’omushango ogu omu ofiisi y’omutonganirizi wa gavumenti kugira eki yaakora.

Beitu RDC wa Ibanda, Joseph Drake Mukiibi naagira ngu ahabwire Pooriisi kukwata nyakuteekateekwaho emutware omu kooti kugira ngu habeho oburinganiza omu mushango.

 “Omushango ogu gurimu enshonga z’eitaka,” RDC naahabura abazaire obutoosha kuguma nibahandiika buri kimwe kyona ab’eka baaba nibabagana ebintu.

#WestUpdates

LEAVE A REPLY