Abaserukare ba SFC 5 basindikwa aha rumanda ahabw’emishango y’eby’okwerinda.

158
0
SHARE

N’ebya Margret Zalwango.

Abaserukare 5 b’ekitongore ekya Special Forces Command (SFC) bagyezaho omurundi gwakabiri kwemererwa aha mishango eine akakwate n’eby’okwerinda ei barikujunanwa byarema.

Abarikujunanwa barimu: Lt. Alex Kasamula, Lt. Phillip Neville Ankunda, Pvte Nathan Ndwaine, Pte Moses Asiimwe hamwe na Pte Godfrey Mugabi.

Aba bakakwatwa omu kwezi kwaka 5 omu mwaka gwa 2020 kandi batwiire aha rumanda kumara emyaka 2.

Eriizooba (25/08/2022), abarikujunanwa baarebukaho omu maisho ga kooti y’ekinyamahe eyaaba ekuriirwe, Brig. Gen. Robert Freeman Mugabe kandi kurabira omuri purida waabo, Elizabeth Nyansingwa baashaba kubikirizibwa kwemererwa.

Ceeyamaani wa kooti y’ekinyamahe, Brig. Gen. Robert Freeman Mugabe: PHOTO: Margret Zalwango

Aba bagambira kooti ngu batwiire aha rumanda kumara obwire buringwa kandi ngu omushango gwaabo nigwikirizibwa kwemererwa.

Abahababi nibagira ngu ahagati y’okwezi kwaka 2 n’okwaka 5 omu mwaka gwa 2020 obwo bari omu myanya etari emwe omuri Kampala, abarikujunanwa n’abandi abakibuzire, bakamanyisa ba agenti ba gavumenti ya Rwanda amakuru agarikukwata aha by’okwerinda bya Uganda n’ekigyendererwa ky’okutabangura obusingye bwa Uganda.

Abahababi nibongyera bagira ngu aba bakatandikaho na guruupu ya Whatsapp ei bayetsire “Nyaruju” WhatsApp Group ahi babaire bamanyisa bambega ba Rwanda aha makuru garikukwata aha kitongore ky’amahe ekya UPDF ekyabaire nikibaasa kutabangura obusingye bwa Uganda.

Brig. Gen. Mugabe yaayongyezayo omushango ogu kuhisya ebiro 06/09/2022 kandi abarikujunanwa basindikwa aha rumanda omu kihome ky’amahe ekya Makindye.

LEAVE A REPLY