Okugaruka kwanjura ekihandiiko ky’emishango y’eby’omubonano omu Paramenti.

277
0
SHARE

N’ebya Agnes Nantambi  

Ebitongore ebitari bya gavumenti ebirikurwaniirira eky’okutuntuza abakazi n’abaana omu by’omubonano nibashaba ngu ekihandiiko ky’okukwata aha mishango y’eby’omubonano kigaruke kyanjurwe omu Paramenti.

Ekihandiiko eki kikaba kyayanjwire omu Paramenti y’omurundi gwa 10 eyakihingwize beitu Purezidenti akanga kukitaho omukono arikugira ngu kikaba kirimu obushoshoreki bwingi burikuhondana.

“ Nkanjura ekihandiiko eki omu Paramenti ya 10 kandi nyine okwesiima kureeba ngu abany’ishengyero nibenda ngu ekihandiiko eki kigaruke kyanjurwe omu Paramenti ahabw’omugasho ogukine,” Monica Amoding- Owabaireho Omuny’ishengyero omukazi wa disiturikiti ya Kumi arikushoborora.

Naagira ngu omu Uganda, emishango y’okutuntuza abakazi n’abaana omu by’omubonano neguma neyeyongyera kandi abarikukora emishango egi tibafubirwe kirikumara.

 “Waheeza kushoma gye rupoota ya Pooriisi, noija kushanga ngu buri mwaka, emishango y’okutuntuza abakazi n’abaana omu by’omubonano erimu okutoroboza, okuhamba n’endiijo nyingi neguma neyeyongyera,” Amongi arikugamba aha nshonga egi.

Amoding abaire nagambira ebi omu mushomo gw’okushomesa aha ku emishango egi yakubaasa kurwanisibwa omu Uganda. Omushomo ogu gubaire gutebekanisibwe ab’ekitongore ekya Joy for children Uganda.

Naagira ngi omugasho gw’ekihandiiko eki nokwenda kugaita ebiragiro ebisya omu bitwireho hamwe n’okureeba aha mishango emisya erikukorwa omu byanga bitari bimwe beitu abarikugikora bakabura kufubirwa.

 “Ekihandiiko eki kyaheeza kuhinguzibwa kikaba ekiragiro, nikija kutuhweraho omu kurwanisa emishango egi ey’okutuntuza abakazi n’abaana omu by’omubonano omu ihanga,” ebyo n’ebigambo bya Amoding.

LEAVE A REPLY