Murinde eiziina ry’ishengyero – Deputy Speaker, Thomas Tayebwa

124
0
SHARE

N’ebya Mary Karugaba

Omuhwezi wa Sipiika, Thomas Tayebwa yaarabura abany’ishengyero abarikujumirana ahagati y’abantu ahanshonga ezibari kuhajaanaho omu bukiiko bwabo ninga omu ishengyero.

Tayebwa yaagira ngu memba otarikumarwa n’oku akakiiko karikukora ahanshonga ezimwe, ashemereire kuhikirira abebeembezi b’ishengyero omumwanya gw’okwejumira ahagati y’abantu, ekintu eki arikugira ngu nikishisha eiziina rya paramenti.

Ebigambo bya Tayebwa nibyijaho bwanyima y’amakuru ahamikura emwe agarikworeka ngu abany’ishengyero hamwe naba minisita abamwe bakajuma orikukurira akakiiko aka COSASE, Joel Ssenyonyi ahabw’okucondooza okuriyo nikukorwa ahari CEO wa Uganda Airlines, Jenipher Bamuturaki.

Akakiiko ka COSASE kariyo nikacondooza empapura z’obwegyese, obukugu hamwe n’oku Bamuturaki yaatungire omurimo gw’okukurira kampuni y’enyonyi eya Uganda Airlines.

Omuhwezi wa Sipiika obu yaaba akurire okushutama kwa paramenti eriizooba yaashaba abany’ishengyero kurinda eiziina ry’ishengyero kandi yaabarabura ngu eki kyagumizamu, nibeija kukoresa omukono gw’ekyoma ahabany’ishengyero abarikujumirana.

#WestUpdates

LEAVE A REPLY