Omwana w’ameezi 4 yaafeera omumuriro

137
0
SHARE

Omwana w’ameezi 4 yaafeera omumuriro

N’ebya Jeff Andrew Lule

Pooriisi omuri Katwe eriyo necondooza omuriro ogwabarukaho kandi hakafeeramu omwana w’ameezi 4.

Omuriro ogu gwabaruka omuri Kyengeza zone ahanguuto eya Salaama omu divijooni ya Makindye eriizooba, Orwokubanza ebiro 22/08/2022.

Kurugiirira aha muhwezi w’omugambirizi wa pooriisi ahabwa Kampala n’emyanya egyetoreire, Luke Owoyesigyire, Omuriro ogu gwareebwa gurikuruga omunju ya Mama Whitney, nyina w’omwana owaafa nka shaaha 8 z’eihangwe.

Obu omuriro ogu gwabarukaho, nyina w’omwana ogu yaaba agiire kugura eby’okurya omukatare aka Kyengeza nikwo kutsiga omuhara ow’omwaka gumwe hamwe n’omwana w’omwojo ow’ameezi 4 omunju.

Owoyesigyire yaagira ngu abatuura babaasa kuraaza omuriro n’okwiha abaana aba omunju beitu eky’obusaasi omwojo yaaba yaafiire.

Omwishiki yaayirukangiizibwa omu irwariro erya Kiruddu ari omumbeera mbi kandi omubiri gw’owaafa gwatwarwa omukabafu ah’irwariro erya Mulago.

Ekyaretaho omuriro ogu tikikamanyirwe beitu hoona pooriisi neyehanangiiriza abazaire kugiira obuzoora maisho ahabaana baabo.

WestUpdates

LEAVE A REPLY