Abantu 5 nibateekateekwa kuba beitsirwe obutwa omuri Arua

142
0
SHARE

Abantu 5 nibateekateekwa kuba beitsirwe obutwa omuri Arua

N’ebya Patrick Pariyo

Abantu 5 nibateekateekwa kuba beitsirwe obutwa kandi abandi 2 bariyo nibarwanira amagara gaabo bwanyima y’okunywa amarwa ahabaara emwe omuri Origama cell, Mvara ward omu divijooni ya Ayivu omururembo orwa Arua.

Ba kareebi nibaagira ngu abatano aba  nibamwe ahabatuura 8 abaheerize obwire buraingwa ahabaara emwe barikunywa waragi.

Omwe ahababandize kufa, omugurusi abandize kwetomboita kushasha omukifuba n’okuteerwa omutwe edakiika nkye yaheeza kuruga omubaara ekiro ky’orwakataano. Ogu akaheeza yaagwa kihuumura yaaferaho ekiro ekyo.

Abandi bana aharimu ow’entebe y’okubanza omukyanga eki nabo nibagambwa kuba baafire ekiro nikyo kimwe bwanyima y’okutunga obusaasi nibwo bumwe.

Abatuura b’ekyaro eki abatenzire kugamba amaziina gaabo bamanyise New Vision ngu omwe ahababire bari ahameeza egyo ekiro ekyo takamanyirwe beitu pooriisi eriyo necondooza.

Pooriisi ehiikire omumwanya ogu nikwo kutwara emibiri y’abafiire omukabafu ah’irwariro erya Arua Regional Referral kubakyebera.

Pooriisi tekagambire ahabirugire omu kukyebera okukozirwe.

LEAVE A REPLY