Pooriisi yazoora omubiri gw’omurambuzi omunyanja ya Nile.

208
0
SHARE

N’ebya Edna Piyic.

Pooriisi omu disiturikiti ya Pakwach omu kasheeshe k’erizooba yazoora omubiri gw’omunya Uganda beitu orikutuura Bungyereza obaire aizire kurambura Robert Kaweesi kuruga omu mugyera gwa Nile.

Kaweesi agwiire omu mugyera gwa Nile aha biro 17/08/2022 ahari shaaha nka 12 z’omwabazyo obu abaire nagyezaho kucungura omutabani obaire atwiirwe ekingozi ky’amaizi aha mugyera ogu kandi abaire arihakye kutwaarwa amaizi ahari Murchison Falls National Park.

Okurugiirira ahari Josephine Angucia- Omugambiirizi wa Pooriisi ahabw’ekyanga ekya West Nile, omubiri gwa Kaweesi gwaashangwa ahari Wangkawa, omu tauni kanso ya Pakwach omuri Pakwach.

Omutumbi gwe gwatwaarwa ahirwariro rya Pakwach kwongyera kugukyebera.

Angucia naahabura abantu abarimu n’abarambuzi okuba abegyendesereza baaba nibashemererwa aha maizi.

LEAVE A REPLY