NDA ekingire za clinics n’amaduuka g’emibazi- Kampala.

374
0
SHARE

N’ebya Violet Nabatanzi

Ekitongore ekirikujunanizibwa aha mutindo gw’emibazi omu ihanga ekya National Drug Authority (NDA) kikingire za clinic 21 n’amaduuka g’emibazi 22 ahabw’okuremwa kuhikiiriza ebirikwetengwa.

Okurugiirira aha mugambiirizi wa NDA, Abiaz Rwamwiri, za clinics zishangiirwe zitaine layisensi kandi zirikuguza abantu emibazi ekirikuhenda ebiragiro. Ezindi zishangiirwe nizibika emibazi omu myanya etahikaine na mutindo.

Omukuru kuruga omu kitongore ekya NDA arikurambura clinic omuri Rubaga: PHOTO: NDA

Rwamwiri naagira ngu omu muhigo ogubakoziire, eboxi 144 z’emibazi etarikwikirizibwa zibaririrwemu sente zirikurebga shiringi obukikuru 150 nizo zikwatsirwe.

Naashaba abantu butoosha kuguma nibagura emibazi kuruga omu maduuka g’emibazi againe layisensi y’ekitongore ekya NDA.

Rwamwiri naagira ngu emihigo ei bakozire egyenderire kurwanisa emibazi y’ebicupuri erikuguzibwa omu katare hamwe n’okutambira abantu n’enyamaishwa obutakoresa emibazi egyo.

Omuhigo ogu gumaziire wiiki yoona omu divijoni ya Rubaga omu rurembo Kampala.

LEAVE A REPLY