Pooriisi ekwatsire abarikuteekateekwa kuba nibabuzaho abantu- Kisoro.

191
0
SHARE

N’ebya Jeff Andrew Lule

Pooriisi omu disiturikiti ya Kisoro eriyo necondooza guruupu y’abantu abarikuteekateekwaho kuba nibahamba abantu bakababuzaho abashangirwe baine empungi 34 barikugambwa kuba babaire nibazitwara kukora emirimo etari emwe omu disiturikiti eya Masindi.

Omugambiirizi wa Pooriisi, Fred Enanga naagira ngu zimwe omunkozi z’ebihagaro zikorise akagisha k’embeera y’empungi zirikuturamu omu ihanga.

Arikugambaho nabanyamakuru aha kitebe kikuru kya Pooriisi omuri Naguru, Kampala, Enanga naagira ngu ab’eby’okwerinda bariyo nibacondooza kumanya yaaba abakwatsirwe babaire bagyendereire empungi n’okuzihabya kuzitwara kuzikoresa emirimo y’obuhuku n’okuzihandiika kwegaita ahari guruupu y’abahekyera.

Beitu hoona, tagambire bingi ebirikukwata ahabantu abarikuteekwateekwaho abakwatsirwe arikugira ngu kibaasa kuhendera kiteganise okucondooza.

Enanga akyorekire ngu hakiriho okutambura kw’empungi omuri Bunagana ahagati ya Uganda na Democratic Republic of Congo (DRC).

Nayongyeraho ngu abantu 84 abarikuronda obwegamo bakiirwe aha Sande ahari Bunagana kandi abantu abarindirwe omu mwanya ogu nibaingana 10,829.

LEAVE A REPLY