Museveni yaatabarusya Purezidenti wa Kenya otooroinwe.

210
0
SHARE

N’ebya Charles Etukuri

Purezidenti Yoweri Museveni eriizooba (16/08/2022) yaayegaita aha beebembezi b’amahanga agandi omunsi yoona kutaabarusya Purezidenti wa Kenya otooroinwe, William Ruto.

Omu butumwa bw’okuza ahari Ruto, Museveni yaagra ngu ahabw’abanya Uganda, nayenda kutabarusya Your Excellency William Ruto ahabw’okuhika aha businguzi okatooranwa nka Purezidenti wakataano w’eihanga rya Kenya. Ninyenda kukuhamisa ngu Uganda neija kugumizamu nekwatanisa na Kenya omu kuhikiriza engenderwaho y’ekyanga kya East Africa hamwe na Africa yoona okutwariza hamwe”.

Museveni naagira ngu omukago gweitu nigwija kureetaho entunguuka y’amaani kandi nyetekatekire kukora niwe. Ruhanga aheereze omugisha Kenya. Ruhanga aheereze omugisha East Africa”.

Mukuru w’akakiiko k’eby’oburuuru omuri Kenya, Wafula Chebukati aharwokubanza (15/08/2022) arangiiririre Ruto nka Purezidenti otoroinwe n’obu habairemu okuhakanisa ebirugire omu karuuru aka kuruga omuri ba komishona 4 ahari 7 ab’akakiiko k’eby’oburuuru.

Ba komishona 4 beebembirwe omuhwezi wa mukuru wa IBEC, Juliana Cherera naagira ngu tibarikubaasa kwikiriza ebirugire omu karuuru ahabw’okuba habiremu ebitagyenzire kurungi.

Ruto aihireyo oburuuru 7,176,141 oburikwingana obucweka 50.49 ahari 100 aha buruuru obuteirwe kandi obaire omuri omubigyere Raila Odinga, aihireyo oburuuru 6,942,930 oburkwingana obucweka 48.85 ahari 100.

LEAVE A REPLY