Okurangirira ebiraarugye omu karuuru ka Kenya.

200
0
SHARE

Hariho okwemereza emitima  omu bantu b’eihanga rya Kenya n’omu mahanga agandi obwo okurangirira ebirugire omu kuteera akaruuru k’okutoorana Purezidenti wa Kenya akaateirwe wiiki ehwaire kurikuburayo eshaaha nkye.

Ebirugire omu mashaza garikurenga omuri bishatu bya kana by’amashaza 290 byaherize kuhamibwa n’okushohozibwa.

Okurugiirira aha bitongore by’amakuru ebya Kenya, omuhwezi wa Purezidenti, William Ruto niwe akyebembeire n’obucweka 51 ahari 100 kandi owabaireho enganzi y’eihanga eryo, Raila Odinga aine obucweka 48 ahari 100.

Okurugiirira aha kiragiro kya Kenya, ebiraarugye omu kuteera akaruuru aka nibiija kurangirirwa eriizooba ebiro 15/08/2022.

Aha Sande (14/08/2022), Odinga na Ruto baashabire abantu ba Kenya ku bagumisiriza obwo bategyereize ebi akakiiko k’eby’oburuuru ak’eihanga erya Kenya aka Independent Electoral and Boundaries Commission (IEBC) karaarangirire oraabe Purezidenti wa kataano ow’eihanga eri.

Hoona nabwo abeebembezi batari bamwe n’ebitongore ebindi ebirimu amaramizo bashabire abantu ba Kenya kugira obucureera n’okugumisiriza okuhisya obu akakiiko k’eby’oburuuru karaarangirire omusinguzi.

Orasinge akaruuru aka naija kuba naza omu bigyere bya Purezidenti oriho obwa hati Uhuru Kenyatta ou encuro ze ez’emyaka 5 buri emwe zihweireyo.

LEAVE A REPLY