Museveni aikiriize 20bn kukora emifuregye y’amaizi omuri Mbale.

192
0
SHARE

N’ebya John Masaba

Gavumenti neija kukoresa shiringi obuhumbi 20 kukora aha bizibu ebireetsirweho omwijuzo gw’amaizi omu rurembo rwa Mbale.

Esente ezi niziija n’okukoresibwa kuhangusya emifuregye y’amaizi kubaasa kwerinda ebindi bigwerezi nk’ebi – Minisita w’eihanga ow’eby’obushubuzi Evelyne Anite, arikushoborora.

Aharwakana ebiro 11/08/2022, Anite agizire ngu abaire agiire kureeba oku omwijuzo gw’amaizi gusiisiremu omwanya ogwa Mbale Industrial Park kandi encwamu ekozirwe n’okugira ngu habeho okuhangusya aha mifuregye y’amaizi aho n’aho.

“Purezidenti Yoweri Museveni ahamize shiringi obuhumbi 20 z’okurahuka kukora aha nshonga y’emifuregye y’amaizi,” Anite arikushoboorora kurabira aha mukura gwe gwa Twitter.

Nayongyeraho ngu gavumenti yaaherize kugaruzaho amaizi n’amashanyarazi omu bicweka bitari bimwe omuri Mbale.

Abantu 30 nibo baahamibwe kuba bafiire bwanyima y’omwijuzo gw’amaizi ogwateire orurembo orwa Mbale aha biro 02/08/2022. Bamwe omu bantu abafiire harimu abavugi b’ebiiruka bwanyima y’omwijuzo ogu kubatwara.

Abahangu omu by’enteebereza y’obwire nibagira ngu enjura nyingi neija kugumizamu omu kwezi kwa 8. Beitu nikiteeberezibwa ngu abantu 5,600 nibo bataataanisiibwe omwijuzo gw’amaizi omu rurembo Mbale kandi abantu barikuhika 400,000 obwa hati tibarikuhikwa maizi ahabw’omwijuzo gw’amaizi ogu.

Za kamina hamwe n’emifuregye y’okutwara obubi yoona ekatwarwa omwijuzo ogu, ekintu ekyareetsireho okuteganisibwa omu by’obuhangwa.

Hoona nabwo, abantu b’omu kicweka ekyo beerarikiriire ngu babaasa kwija kuteerwa enjara rwaranda bwanyima y’ebihingwa birikwingana hiika 5,000 kucwekyerezibwa

LEAVE A REPLY