Omushaija aisirwe ahabwa sente z’amaarwa- Rubanda.

205
0
SHARE

N’ebya Eddie Ssejjoba

Pooriisi omuri Rubanda eriyo necondooza nk’oku mukama w’ebaara arikugambwa kuba akurasire kasitama we omu baara endijo atyo akamuteera ahabw’okuremwa kushashurira amaarwa ganywire.

Kasitoma ohababire omushango ogu owa ceeyamaani w’ekyaro afiire atakashashwire sente z’amaarwa.

Bwanyima y’ekikorwa eki, Pooriisi omuri Rubanda eigwireho omushango gw’okutekatekwaho kwita ahari mukama w’ebaara.

Omugambirizi wa Pooriisi ahabw’ekyanga ekya Kigezi, Elly Maate nagamba kasitoma ofiire nka Kanyarutookye, ow’emyaka 60, omutuura w’ekyaro kya Kanyamatembe omu tauni kanso ya Rubanda.

Naagira ngu kanyarutookye, omukozi omu maka ga Alexander Turinawe, omushomesa wa purayimare afiire bwanyima y’ebiro 9 aheerize kuteererwa omu baara.

Okurugiirira ahari Pooriisi, ahabiro 31/07/2022, ahari shaaha nka 2 z’ekiro, nyakutekatekwaho, Aloysius Niwagaba naagambwa kuba yakuratire Kanyarutookye omu baara endiijo eya Innocent Agaba arikumutura okuremwa kushashurira amaarwa ga 2,000

Ceeyamaani w’ekyaro ekyo, Bruno Tibemanya agambire pooriisi ngu Kanyarutookye akashaba waragi erikumanywa nka ‘Omusheshe’ kandi munywani we omanyirweho erya Orishaba ryonka, akamushabira soda, beitu nibagambwa kuba bagyenzire batashashwire nikwo kuza omu baara endiijo.

Maate naagira ngu okucondooz akuriyo nikugyenda omu maisho.

LEAVE A REPLY