Owa UPDF asindikirwe omu kihome ahabw’okuza omu by’omubonano na muka mukama we.

754
0
SHARE

N’ebya Douglas Mubiru

Omuserukare wa UPDF w’emyaka 41 ateirweho omushango yagaruka yaasindikwa aha rumanda ahabw’okugambwa kuba agiire omu kikorwa ky’omubonano n’omukazi wa mukama we.

Lt. Robert Turyahabwe akaba ari omuri Somalia aha murimo omutongore obu L/CPL John Nuwagira arikugambwa kuba yabyamire n’omukazi we Annet Kobusingye, okurugiirira aha buhababi.

Nuwagira, areebukireho omu kooti y’ekinyamahe aharw’okubanza (09/08/2022) kuhurira omushango ogurikumujunanwa.

Ceeyamaani wa kooti y’ekinyamahe, Brig. Gen Robert Freeman Mugabe ashomiire Nuwagira omushango beitu agwehakine.

Abahababi beebembirwe Lt. Alex Mukhwana na Lt. Gift Mubehamwe baashabire kooti okwongyezayo omushango ogu, barikugira ngu okucondooza kukiriyo nikugyenda omu maisho, ekigyemeserize kooti kugwongyerayo kuhisya ebiro 29/08/2022.

Obuhababi nibugira ngu omu mwaka gwa 2021, obwo omu Makenke barracks omuri Mbarara, Nuwagira akaza omu rukundo n’omukazi wa Turyahabwe, Kobusingye obu iba yabaire agiire aha murimo omu Ihanga erya Somalia.

LEAVE A REPLY