Okuteera akaruuru k’okutoorana Purezidenti wa Kenya kwatandika.

190
0
SHARE

N’ebya Beth Akatukunda

Okuteera akaruuru Abantu omu Ihanga erya Kenya eriizooba bariyo nibateera akaruuru k’okutoorana Purezidenti omusya ow’ihanga eryo.

Abanya Kenya barikurenga omu bukikuru 22 nibo behandikise kuteera akaruuru k’eriizooba ak’okutoorana purezidenti waabo.

Emyanya y’okuteereraho akaruuru yaigurwaho shaaha 12 z’akasheeshe kandi neija kumara eshaaha 11 eigwirweho.

Omuntu weena oraabe ari omu runyiriri omu bwire obu emyanya y’okuteeraho akaruuru eine kukingirwaho naija kwikirizibwa kuteera akaruuru.

Abantu 4 nibo barikuhayanira entebe egi ey’obwa Purezidenti.

Abantu 4 abesimbire harim; Raila Odinga- Owabaireho enganzi yeihanga eryo, Omuhwezi wa Purezidenti William Ruto, David Waihiga Mwaure- Ow’ekigombe ekya Agano party na George Wajackoyah- Ow’ekigombe ekya Roots Party of Kenya.

Ogu n’omurundi gwakataano, Odinga arikwesimba aha ntebe egi…

Orasinge akaruuru aka naija kuza omu bigyere bya Purezidenti Uhuru Kenyatta ou encuro ye ehwaireyo.

LEAVE A REPLY