Abanya Uganda bazibirwa kuteera akaruuru omuri Kenya- RDC.

214
0
SHARE

N’ebya Egessa Hajusu

Abanya Uganda abaine endanga muntu y’eihanga rya Kenya baazibirwa kuteera akaruuru k’okutoorana Purezidenti w’eihanga rya Kenya.

Abakuru kuruga omu magomborora ahansharo ya Uganda na Kenya agarimu; Buteba, Eastern Division, Dabani, Masinya na Majanji nibagira ngu abateezi b’akaruuru aba Uganda baazibirwa kutaaha omu ihanga erya Kenya.

Abaserukare b’ekitongore ky’amahe ga Kenya baatebwa aha myanya y’ensharo omuri Busia North na South.

Omu rukiiko rw’eby’okwerinda orubaire ahansharo omuri Busia Kenya, Dr. Ahmed Omar- Kamishana wa Busia Kenya agizire ngu abateezi b’akaruuru boona abayehandikise n’endanga za Kenya ninga eza Uganda nibaija kwikirizibwa kuteera akaruuru, okurugirira ahari Michael Kwibika- RDC wa Busia oyetabire omu rukiiko orwo.

Omunya Uganda kuruga omu kyaro kya Buyengo ahansharo, omu gomborora ya Dabani, Busia yaagira ngu guruupu ye y’abateezi b’akaruuru 15 abaaba nibambuka omu kasheeshe k’eriizooba kuza kuteera akaruuru omuri Kenya yaazibirwa kumara haihi eshaaha nka 2 okuhisya obu haabaho okuhajana batyo bakabikiriza kuteera akaruuru.

Beitu hoona, abandi bateezi b’akaruuru kuruga omuri Amungura erikwatanisibwa oruguuto rurikuruga Kenya omu gomborora ya Buteba baagira ngu bagyenda gye bateera akaruuru kaabo omuri Kenya bataine kuteganisibwa kwona.

Ebyo bikiri aho, eby’emishubuuro biri omu buteeka nk’aburiijo kandi ensharo eriho obusingye n’obucurera.

Eby’engyenda kuruga omuri Kenya bikyendiremu kakye beitu ebimotoka by’amajuta ebirikuruga omuri Kenya nibaija kwikiriza kuraba ahansharo, Okurugiirira ahari Kibwika.

Beitu hoona, Kibwika naagira ngu amahanga gombi gikirizaine ahanteekateeka z’okuta ab’eby’okwerinda ahansharo kureeba ngu haabaho obucurera.

RDC ayongyeire yaagira ngu amashomero 8 ga purayimare gatoroinwe kandi gaatebwaho nk’emyanya y’okutaayayisa abanya Kenya nka haheeza kubarukaho obwimukyero omu kuteera akaruuru aka.

Abanyamakuru aba Uganda bazibirwa kuhika aha myanya y’okutereraho akaruuru omuri Busia, Kenya.

LEAVE A REPLY