Akaruuru k’okutoorana Purezidenti wa Kenya.

201
0
SHARE

N’ebya Beth Akatukunda

Abantu ba Kenya nibaija kuba nibateera akaruuru k’okutoorana Purezidenti omusya nyencakare ebiro 09.08.2022

Akaruuru ka Kenya aka boona nikateerwa buri bwanyima y’emyaka 5.

Aka nikaija kuba kari akaruuru ka boona ak’omurundi gwaka 4 kandi aka 4 akokutoorana Puresidenti kuruga.

Ogu nigwija kuba guri omurundi gwa kashatu ogw’okuteera akaruuru ka boona barikugyendera ahangyenderwaho eyarangiriirwe omugwa 2010

Ori Purezidenti wa Kenya obwahati, Uhuru Kenyatta tarikwikirizibwa kwesimba aha ncuro yaka 3 nk’oku ebiragiro by’eihanga eri nibikiriza omu encuro 2 zonka.

Akaruuru ka boona ak’omwaka ogu karimu abantu bakye abaikirizibwe kwesimba ahabwa Purezidenti kuruga enkora y’ebibiina eya “Multi Party System” eteebwaho omu mwaka gwa 1992.

Abantu 4 nibo baikirizibwe kuhayanira entebe y’obwa Purezidenti bw’eihanga erya Kenya.

Aba barimu: David Waihiga Mwaure, ow’ekigombe ekya Agano Party, Raila Odinga- owabaireho enganzi y’eihanga erya Kenya kuruga omu mwaka gwa 2008-2013, Omuhwezi wa Purezidenti wa Kenya, Wiliam Ruto hamwe na George Wajackoyah, omwebembezi w’ekigombe ekya Roots Party of Kenya.

LEAVE A REPLY