Omuntu omwe yaagwa omuri Butandu- Kampala.

133
0
SHARE

N’ebya Omushaki Weitu.

Omuntu omwe yaafeeraho eriizooba bwanyima y’abantu eyaaba aha ruguuto rwa Queens Way haih n’akatare ka USAFI omu Katwe omu rurembo orwa Kampala.

Faridah Nampiima, Omugambirizi wa Pooriisi y’eby’ahanguuto yaagamba owaafa nka Jovan Mukolomba ow’emyaka 47 kandi enzaarwa ya Kenya.

Mukolomba yaafa bwanyima ya trailor eya naamba KBT 597C ey’omu maisho hamwe n’eya ZE 2295 ey’enyima kwekunamura bwanyima y’okuremwa kuheta ekoona y’okuruga aha ruguuto rwa Queens Way, erikugaita oruguuto rw’akatare ka USAFI omuri Katwe.

Pooriisi neyoreka ngu za butandu 346 nizo zabaireho ahagati y’ebiro 01/05/2022 kuhika aha 07/05/2022 kandi aharyezi, 64 nizo zabaire ziri mbi munonga, 168 zikaba ziri mbi kandi 114 zikaba zitari z’amaani.

Okurugirira ahari Nampiima, abantu 398 nibo bateganisibwe omuri za butandu ezi kandi aharyaba, abantu 103 nibo bazifeeriremu, 295 nibo batungire obuhuta.

Nampiima naarabura abarikukoresa enguuto boona okuba abegyendesereza baaba bari ahanguuto.

LEAVE A REPLY