Okugarukamu akaruuru ka Bukimbiri: NUP kushagika owa FDC.

175
0
SHARE

N’ebya Simon Peter Tumwine

Ekigombe ky’eby’obutegyeki ekya National Unity Platform (NUP) kyaruga omu karuuru k’okutoorana omuny’ishengyero wa Bukimbiri kubaasa kushagika oyesimbireho ahabw’ekigombe ekya Forum For Democratic Change (FDC).

Okurugamu kwa Joshua Mutaabazi owa NUP omu karuuru nikwijaho omu bwire obu ebigombe by’obutegyeki eby’orubaju oruhakani bikirizine kukorera hamwe ahansi y’entwaza eya ‘Opposition Joint Strategy” ei biheerize kwanjura.

Obwahati, akaruuru k’okutoorana omuny’ishengyero wa Bukimbiri kasigaramu abantu 4 abarimu Asigario Turyagyenda na Edward Mutaabazi bombi abesimbireho nk’aba independents, James Owebeyi owa FDC na Eddie Kwizera owa NRM.

Omu kugambaho n’omugambirizi wa NUP, Joel Ssenyonyi aha siimu, yaahamya ku ekigombe kyaruga omu karuuru ka Bukimbiri kubaasa kushagika oyesimbireho ahabwa FDC.

 “Tukozire encwamu egi nk’ekigombe kandi twaruga omu karuuru. Joshua Mutaabazi- obaire akwateire ekigombe kyeitu ebendera kuhayanira entebe y’omuny’ishengyero wa Bukimbiri nawe yaikiriza kuruga omu karuuru kuhagira James Owebeeyi owa FDC”. Ssenyonyi arikushoborora.

Yaagira ngu nk’oku bashagikire Moses Attan owa FDC omu karuuru k’okutoorana omuny’ishengyero wa Soroti East akaheerize kuteerwa, FDC nayo eikirize kandi yiiha Michael Omurwon omu karuuru k’okutoorana omuny’ishengyero wa Pallisa kandi kuruga obwo eikirize kushagika Joseph Okoboi aha ntebe egyo kuhayana n’owa NRM.

Arikugambaho n’abanyamakuru ahari Miami Restaurant omuri Kisoro eriizooba (06/08/2022), Owebeyi owa FDC yaayakira ekiteiso ekikozirwe baatahi baabo eky’okuruga omu karuuru bakacwamu kumushagika.

LEAVE A REPLY