Omushaija yaakwatwa ahabw’okwosya omwana arikumutura bogoya- Tororo

199
0
SHARE

N’ebya Faustine Odeke.

Pooriisi omu disiturikiti eya Tororo eine omu kihome kyayo omushaija w’emyaka 31 ahabw’okugambwa kuba ayokize omwana w’omwojo w’emyaka 4 ou omukazi we yaziire aheeru arikumutura okwiba n’okurya omunekye gwa bogoya ogu abaire aguzire.

Moses Obbo, Omubiizi kandi hoona omutuura wa zooni ya Komolo omu gomborora eya Petta omu disiturikiti eya Tororo akwateirwe omu gomborora ya Merikiti ahu atwiire ayesherekire kuruga akora ekikorwa eki.

Nikigambwa ngu Obbo agizire ekiniga kingi kwashangire omunekye gwe gwa bogoya gutaruho nikwo kukwata omwana ogu akamukoma emikono atyo akamwosya.

Nyina w’omwana ogu, Christine Awori abaire atariho obu ekikorwa eki kibaireho.

Awori nabwanyima naagambwa kuba atwiire enshonga egi aha pooriisi eizire ekatandika kuhiiga omushaija kuhisya obu emukwasire.

Omugambirizi wa Pooriisi ahabw’ekyanga ekya Bukedi south, Moses Mugwe yaahamya okukwatwa kwa Obbo arikugira ngu okucondooza kuriyo nikugyenda omu maisho.

Mugwe yaajumirira ekikorwa eki nikwo kushaba abazaire kwerinda okuhisya obusaasi aha baana abu barikureberera.

Naagira ngu Obbo orikujunanwa omushango gw’okuteera naija kutwarwa omu kooti, fayiro ye kwerahwe.

LEAVE A REPLY