Obwinazi omuri Kikuube; Abatuura batematemire ente z’omuheereza bayotsya amaju ge

150
0
SHARE

N’ebya Peter Abaanabasazi

Pooriisi omu disiturikiti ya Kikuube eriyo necondooza omukikorwa ky’obwinazi ahi abatuura batemire ente kandi bakaheeza bakotsya amaju ga paasita omukyaro ekya Bwera.

Nikigambwa ngu ekikunga-musisa ky’abatuura b’ekyaro kya Bwera omugomborora ya Kyangwali omu disituriti ya Kikuube batahiriire amaka ga Paasita George Baguma ow’ekanisa eya Bwera Miracle Church, nikwo kutematema bakeita ente ze 40 kandi bakotsya n’amaju 4.

Ekikorwa eki kyeizireho bwanyima y’akakiiko akarikukurira eby’amataka aka State House Land Protection Unit kukwata abantu 5 ab’ekyaro eki.

Abatuura aba bakwatsirwe ahanyima ya Baguma kuhababa arikushaba okubinga abantu abatahiriire eitaka rye.

Kurugiirira ahari Baguma, haine abantu obwo bebembeirwe mwine-ishe, George Kabuhanda abatahiriire eitaaka rye. Kuyabashabire kuruga omu eitaaka rye bayanga. Eki kikamugyemesereza kushaba akakiiko k’eby’amataka omu State House kutaha omunshonga egi.

Akakiiko aka keizire omukaro eki akasheeshe k’Orwakashatu nikwo kukwata abantu 5, ekintu ekitashemeize abatuura.

Bwanyima y’akakiiko kuruga omumwanya ogu, ekikunga-musisa ky’abatuura baagire omu faamu ya Baguma batema-tema ente ze, 440 zaafa. Bongyeire bayotsya amaju gye bacwekyereza ebintu bye aharimu piki n’amagari.

Ebiro ebihwaire, DPP, Jane Frances Abodo akabinga emishango y’obwitsi ahari Pastor George Baguma, eki abatuura bahakanise. Aba nibamutura okugira akakwate omukwita John Turyamureeba.

RDC wa Kikuube, Amlan Tumusiime nayegyekyerera ekikorwa eki akakiiko aka obutamanyisa akakiiko k’eby’okwerinda omu disiturikiti batakakwatsire abantu aba

LEAVE A REPLY