Abasiraamu bayinamira RDC wa Kayunga, Hajji Mutumba.

122
0
SHARE

N’ebya Umaru Kashaka     

Mufti wa Uganda, Sheikh Shaban Ramadhan Mubajje yayegaita ah’ihanga kwinamira RDC wa Kayunga, Hajji Nsereko Mutumba owaafa omu kasheeshe k’eriizooba (03/08/2022).

Mutumba, akatooranwa Purezidenti, Yoweri Kaguta Museveni nka RDC omu kwezi kwaka 3, 2022.

Mubajje, hamwe n’akakiiko koona akarikureberera ekitebe kikuru ky’obusiraamu ekya Uganda Muslim Supreme Council (UMSC) baagira ngu baashasha munonga bwanyima y’okuhurira amakuru g’okufa kwa Mutumba, owabaire ari Omugambirizi wa UMSC.

Omu kihandiiko ekyashohozibwa omugambirizi wa UMSC, Ashiraf Zziwa, Mufti wa Uganda yaagamba aha mugyenzi Hajji. Mutumba nk’omuntu obaire nakunda ediini y’obusiraamu n’eihanga ryoona okutwariza hamwe.

Dr. Muhammad Kiggundu, Omugambirizi wa Kibuli Muslim Faction yaagira ngu nk’abasiraamu baafeerwa omuntu wamaani.

 “Nitusiima Allah ahabw’emirimo ei Mutumba akoriire abasiraamu n’eihanga ryoona okutwariza hamwe, Dr. Kiggundu naagira ngu yaashasha n’abeeka ya Mutumba, abasiraamu boona, gavumenti hamwe n’eihanga ryoona”.

Farouk Kirunda, Omuhwezi w’omuhandiiki w’eby’amakuru omu ofiisi ya Purezidenti Museveni, nawe yaagira ngu eihanga ryafeerwa omuntu obaire nakunda kukora.

Mutumba owashabirirwa aha muzigiti gwa Ihanga ahari shaaha 7:30 z’eihangwe naija kuziikwa eriizooba ebiro 03/08/2022 ahari Mugongo omuri Kyengera.

Omwe omu bahara b’omugyenzi yaagira ngu Mutumba abyamire gye ataine nshonga omu kiro ky’orwakabiri (02/08/2022) omu maka ge agarikushangwa omuri Kinaawa, Kyengera, beitu ngu omu kasheeshe yaimuka arikugira ngu nashaasha omunda.

Naagira ngu bamutwaara omu Irwariro ehi yaafeera.

LEAVE A REPLY