Abanya Uganda 1,295 nibo batwiirwe omu mahanga g’aheeru omu bushobya omugwa 2021.

243
0
SHARE

N’ebya Julius Luwemba

Abanya Uganda barikurenga omuri 1,295 nibo bahandikirwe kuba batwiirwe omu mahanga g’aheeru kukorerayo omu bushobya (Human trafficking) omu mwaka gwa 2021, kandi pacenti ya 70 ahari 100 ahari aba bakaba bari abakazi n’abaishiki.

Abanya Uganda abamwe barikuza omu mahanga g’aheeru kukorerayo: PHOTO: Julius Luwembo.

Okurugiirira aha rupoota eyakozirwe ebitongore bitari bimwe ebirikwegaitira ahansi y’ekigombe ekya Coalition Against Trafficking in Persons-Uganda (CATIP-U), eihanga rikirimu abantu baingi abarikutwarwa omu mahanga g’aheeru omu bushobya kuza kukorerayo.

Annette Kirabira, Ceeyamaani waaba Board of Directors ahabw’ekitongore eki ekya CATIP-U nashoboorora ngu hariho emishango mingi ey’ekiika nk’eki etarikuhandikwa.

Okurugiirira ahari Kirabira, abarikutwara abantu aba nibakoresa tekinologiya kuhandiika, okubatwara hamwe n’okukoresa abantu aba oteireho n’okukoresa yintaneti, obwo barikukoresa emikutu eriho omu buhenda biragiro kukoreraho emirimo yaabo y’ebishobobo ey’okutwara abantu omu bushobya.

Fred Bamwesigye, Dayiirekita Genero w’ekitongore ekya Uganda Civil Aviation Authority (UCAA) naayoreka okukwatwaho ngu n’obu abarikukora emishango egi barikukwatwa, beitu nibaheebwa ebifubiro bikye ebirimu okushashura omutango gwa shiringi 300,000 zonka.

“Nikishaasha kushanga ngu bwanyima y’okutamu obwire bwaawe bwingi n’amaani omu kukwatwa abarikutorora abantu kubatwara omu mahanga g’aheeru kukorayo, nibahendera baihirwe ebifubiro bikye munonga,” Bamwesigye arikushoborora”.

Olive Lumonya, Omuhwezi wa Dayirekita Genero wa UCAA naagira ngu abakozi barikurenga omuri 200 b’aha kishaayi ky’enyonyi ekya Entebbe nibo baheerize kushomesibwa aha bikwatiriine n’eby’okutwara abantu omu buhenda biragiro.

Lumonya naahamiza abanya Uganda ngu abakozi aha kishaayi ky’enyonyi babagwiirwe omuri buri kimwe kubaasa kurwanisa emishango nk’egi.

LEAVE A REPLY