Pooriisi yazoora omubiri gw’omushaija aha Nyanja ya Bunyonyi.

173
0
SHARE

N’ebya Omushaki weitu

Pooriisi omu disiturikiti eya Kabale eriyo necondooza nk’oku omushaija otakamanyirwe maziina afiiremu bwanyima y’omubiri gwe kushangwa aha mutwe gw’amaizi niguzerera aha mwaro gwa Rutinda aha Nyanja ya Bunyonyi.

Elly Maate, Omugambirizi wa pooriisi ahabw’ekyanga ekya Kigezi naagira ngu pooriisi yaatandika kucondoza kumanya ekirugirireho okufa kwe.

 “Pooriisi omuri Kabale eriyo necondooza nk’oku engyeri y’omushaija otakamanyirwe maziina ou omubiri gwe gwashangwa aha maizi niguzereera afiiremu. Nikigambwa ngu aha aharwakabiri ebiro 26/07/2022, ahari shaaha nka 2:30 z’akasheeshe, Moses Tumuhimbise abaire navuga eryaato aha Nyanja ya Bunyonyi, omutuura wa Bufuka, omugomborora eya Kitumba omu disiturikiti eya Kabale, aimukire akasheeshe yaaza kwakira eryaato rye ahari Crate Bay cottages.” Okurugiirira ahari Maate.

Nakyoreka ngu ku abaire navuga mpora eryaato arikwiririra omwaro rwa Rutinda, areebire omutumbi gw’omushaija niguzereera aha mutwe gw’amaizi, nikwo kugumizamu akaza aha mwaro, akamanyisaho abantu abandi na bwanyima y’amanyisa nabapooriisi baha maizi.

 “Pooriisi y’aha maizi egiire aha mwanya yabaasa kwihayo omutumbi yagutwara aha mwaro. Abakuru kuruga aha kitebe kikuru kya pooriisi ya Kabale bahikire aha mwanya batyo batwara omutumbi gw’omugyenzi omu kabafu ah’irwariro erihango erya Kabale kwongyera kugukyebera.” Maate arikushoborora.

Pooriisi negira ngu okucondooza kuriyo nikugyenda omu maisho kandi fayiro y’omushango eya namba Kabale CRB 516/2022 eyigwirweho. 

LEAVE A REPLY