Mukuru wa Pooriisi, Ochola ajumiriire abatahiriire Roadblock bakaita omu pooriisi wa FFU.

140
0
SHARE

N’ebya Charles Etukuri

Mukuru wa Pooriisi, Martins Okoth Ochola najumiriira okutaahiriira okukozirwe aha bapooriisi baha Roadblock omu kyaro ekya Kiwumpa, omu muruka gwa Kiwumbp omu gomborora eya Luwero omu disiturikiti eya Luwero okukoziirwe abantu abatakamanyirwe.

Omu pooriisi ow’ekitongore ekya Field Force Unit (FFU) afiire arikutwarwa omu irwariro kandi omu pooriisi ondiijo atungiire obuhuta. Embundu zaabo zombi zibiirwe.

Omu kihandiko ekyashohoize aha rw’okubanza ebiro 25/07/2022, Omugambirizi wa Pooriisi, Fred Enanga agizire ngu Mukuru wa Pooriisi, Ochola ajumiriire ekikorwa ky’obwinazi eki ekitarimu k’obuntu eky’okutahiriirwa aba pooriisi ababaire bari aha murimo gwaabo.

Enanga nakyoreka ngu okucondooza okwahikireho nikworeka ngu ahari shaaha nka 6 z’eihangwa aha rwokubanza rw’ebiro 25/07/2022, guruupu y’abainazi ababaire baine emihoro kuruga baatahiriire abapooriisi 2 ba FFU, ababaire baine embundu n’abandi b’eby’okwerinda 4 ababaire nibakuma aha mwanya ogwo.

“Abainazi aba batemire omupooriisi omanyirwe nka Ronald Bushingye aha mutwe n’aha maisho. Mutaahi we omupooriisi ondiijoo Josephat Twinamatsiko nawe bamutemire omugogo yahutaara kandi airukangizibwe omu rwariro omuri Kampala”.

Abainazi aba bagarukire bayosya emotoka ya FUSO ebaire eyemerire aha Roadblock egi erikorwaho bwanyima y’okutunga obuzibu kandi bejunise amajuta ga Petrol kujosya.

“Na bwanyima abainazi aba bagyenzire batemba emotoka ya getway ebaire ebategyeriize ah’ishomero rya Purayimare erya Kiwumpa C.O.U batyo babuza amaisho”, Enanga nikwo arikushoborora.

Enanga akyorekire ngu Ochola ehikize obutumwa bwe bw’okusasira ahaka efeereirwe omuntu waabo, banywani baabo, abanyabuzaare hamwe n’ababaire nibakora n’omu pooriisi Busingye.

Ayongyeire yashabira Josephat Twinamatsiko oirukangizibwe omu irwariro kurahuka kukira.

LEAVE A REPLY