Ambulance yaagwa omuri butandu, omwe yaafeeraho- Kyegegwa.

579
0
SHARE

N’ebya Phillip Murangira

Omurwaire yaafa bwanyima ya Ambulance eyaaba nemutwara omu irwariro kutunga butandu, ekajukamu omupiira.

Owaafa yamanywa nka, Joseph Mainuka Rujumba w’emyaka 70 enzaarwa ya Kasese.

Butandu egi yaabaho omwihangwe gw’eriizooba aha nguuto ya Fort-Portal kuza Kampala haihi n’akatare ka Katente omu tauni kanso ya Kyegegwa.

Ambulance egi ey’irwariro erya Kasese Medical Center eyanamba UBA 142T yaaba neiha omurwaire ogu omu irwariro rya Kirembe mines erikumutwara omu irwariro erikuru erya Mulago omuri Kampala kwongyera kutunga okuragurirwa.

Okurugiirira aha muvugi wa Ambulance egi, Amaani Masereka- ambulance yajukamu omupiira.

Masereka yayongyeraho ngu Ambulance egi yaaba erimu abantu 7, omwe nikwo kufeeraho kandi abandi 6 bairukangizibwa omwirwariro erya Kyegegwa kutunga okuragurirwa bwanyima y’okutunga obuhuta.

Pooriisi y’ekyanga ekyo yaagira ngu okucondoza kuriyo nikugyenda omu maisho kubaasa kumanya ekyarugiriraho butandu egi.

LEAVE A REPLY