NRM yagumyaho ba memba baayo abariho obwahati omu EALA.

159
0
SHARE

N’ebya Beth Akatukunda

Omuhandiiki Mukuru w’ekigombe kya NRM, Richard Towdong, naagira ngu ekigombe kyarekaho baamemba bakyo abatwiire nibajwekyera Uganda omu Paramenti ya East Africa.

Ekigombe ekya NRM kineho entebe 6 kandi ebigombe ebindi eby’obutegyeki eby’orubaju oruhakani byineho entebe 2 reero aba Independent bine entebe emwe.

Omu rukiiko rw’abanyamakuru orwaba aha ofiisi z’ekigombe kya NRM omuri Kyadondo, Towdong yashoboorora ngu kubatiireho ekirango, bakatunga baamemba 163 b’ekigombe abahireyo okushaba kwabo kwesimba aha entebe ezi.

Beitu hoona, nakyoreka ngu ahabw’obuhabuzi bw’akakiiko kakuru k’ekigombe aka Central Executive Committee (CEC), ekigombe kicwiremu ngu bamemba bakyo 6 abariho obwahati bagumye entebe zaabo omu Paramenti ya East Africa ahabw’encuro yaabo y’akabiri.

Ekigombe ekya NRM kikatwarwa omu kooti, bamwe omuri ba memba bakyo ababaire nibenda kwesimba aha ntebe ezo beitu baremesibwe encwamu y’akakiiko kakuru aka CEC.

LEAVE A REPLY