Sipiika Among ashabire Enganzi y’eihanga kuheezaho ekizibu kya Karamoja

98
0
SHARE

Sipiika Among ashabire Enganzi y’eihanga kuheezaho ekizibu kya Karamoja

N’ebya Mary Karugaba

Sipiika w’ishengyero, Anita Annet Among araagire Enganzi y’eihanga, Robinah Nabbanja kureeba omu kizibu ky’eibura ry’eby’okurya omukyanga ekya Karamoja kandi n’okutaho emiringo y‘okuheerezaho kimwe ekizibu eki.

Obu abaire nagambaho omu kushutama kw’ishengyero nyomwabazyo, Hon. Among agiizire ngu n’obu gavumenti eine embariirira y’okugura eby’okurya by’obuhwezi, eki tikirikwija kwihaho ekizibu ky’enjaara.

Ogu agiizire ngu ebishushani by’abaana baagunire ahabw’enjaara na riipota z’abantu kwitwa eibura ry’ebyokurya omuri Karamoja n’ekintu ky’obusaasi.

Wiiki ehwaire, gavumenti ekashaba Minisiture y’eby’esente kushohoza shiringi biriyooni 135 ez’okugura eby’okurya kwihaho ekizibu ky’enjaara omuri Karamoja.

Eizooba erya nyomwabazyo, Ofiisi y’enganzi y’eihanga na Minisita w’ebigwererezi, Hon. Hillary Onek baasibwire motoka eibaire ziine enshaho z’obuhunga n’ebihimba kubitwara Karamoja.

Disiturikiti ezikirizeyo kuteeganisiibwa enjaara harimu Kotido, Napak, Kaabong na Moroto.

LEAVE A REPLY