Abeebembezi nibashaba gavumenti kurahusya purojekiti ya maizi.

250
0
SHARE

N’ebya Francis Emorut

Ceeyamaani wa disituriti eya Kagadi, Yosia Ndibwami naashaba gavumenti okurahusya kukora aha purojekiti y’amaizi obwo etauni erikugumizamu n’okuteeganisibwa ekizibu ky’amaizi.

 “Kuruga omu mwaka gwa 2018, gavumenti ekaraganisa kuheereza abantu ba Kagadi amaizi beitu ngu n’okuhisya obwahati abantu bakiriyo nibabonabona ahabw’ekizibu ky’amaizi,” Ndibwami arikushoborora.

Ebi abigambiire omurukiiko rw’abakuru omu disiturikiti hamwe na minisita w’eihanga ow’eby;obuhangwa, Beatrice Anywar obaire ataayayire disiturikiti egi.

 “Twine ekizibu ky’amaani nka tauni kanso nk’oku oburugo bw’amaizi bwomire. Hariho ekizibu ky’eibura ry’amaizi omu tauni egi,” Ndibwami nikwo arikugira.

Ceeyamaani wa Kagadi, Yosia Ndibwami: Photo: Francis Emorut

Omu kwezi kwa 12 omu mwaka gwa 2018, minisiture y’amaizi n’obuhangwa bw’ensi ekatandika kukora aha purojekiti y’amaizi kubaasa kugasira abantu b’omuri Kagadi.

Purojekiti egi neshagikwa aba African Development Bank (AfDB) kurabira omu puroguraamu y’amaizi eya water supply and sanitation program phase II kandi neteekateekwa kuhwa omu bwire bw’omwaka gumwe.

Beitu hoona, omu myaka 4 bwanyima ya koturakiti egi kuheebwayo, gavumenti ekashashuraho shiringi obuhumbi 16 ahari shiringi biriyooni 22 na miriyooni 800 ezibikirizineho, abatuura tibakatandikire kuganyirwa omu maize aga.

Amaka garikurenga omuri 90,000 kuruga omuri za tauni kanso ya Kagadi nibo barikuteekateekwa kwija kuganyirwa omu purojekiti egi yaaba yahwire.

Za tauni kanso ezi ni; Ruteete, Kagadi, Muhoro na Kyezige.

Ends

LEAVE A REPLY