Abanyambundu baisire Siipika w’egomborora n’omukazi we abaire aine enda.

203
0
SHARE

N’ebya Olandason Wanyama                                               

Siipika w’egomborora eya Kapeta omu disiturikiti eya Kotido hamwe n’omukazi we baisirwe.

Abanyambundu abatakamanyirwe baateire amasasi omu maka gaabo ahari shaaha nka 2 z’ekiro kya Sande (17/07/2022) omu tauni ya Kotido omu disiturikiti ya Kotido, nikwo kwiita Siipika n’omukazi we obaire aine enda arihakye kuzaara.

Abagyenzi bamanyirwe nka: Daniel Ngorok n’omukazi we omanyirweho erya Akidi ryonka.

Dauda Hiriga, omudumiizi wa pooriisi ahabw’ekyanga ekya Kidepo yaahamya amakuru aga arikugira ngu tibakatungire bingi ebirikukiraho.

Beitu hoona, Ambrose Onoria- ori RDC wa Kotido naagira ngu abainazi baateire Siipika obaire ashutami aha duuka ye omu tauni ya Lobanya amasasi agamwitireho.

 “Hoona nabwo baatahire omunju ye ahi baashangire omukazi we agarami aha kitanda naw nikwo kumuteera amasasi akafeeraho,” nikwo Onoria arikugamba.

Najumirira ekikorwa ky’obwinazi eki obwo agumize ngu tikihikire kwitira abantu abataine orubanja omu maka gaabo.

Onoria nayongyeraho ngu Daniel Ngorok n’omuntu wa 12 omu gavumenti kwitwa omu disiturikiti eya Kotido kuruga okwezi kw’okubanza omwaka ogu gwa 2022.

 “Turiyo nitugyezaho kucondooza kumanya ahabwenki obwiitane bukanyire munonga,’Onoria nayongyeraho ngu pooriisi yaatandika kucondooza kumanya ekirugirireho okwiita abantu aba.

Okwita Sipiika n’omukazi we nikwijaho bwanyima y’ameezi nka 2, abanyambundu abatakamanyirwe baaherize kuteera amasasi Sipiika w’egomborora eya Kamoru omu disiturikiti eya Kotido agamwitireho.

LEAVE A REPLY