Butandu; Abaana 4 baafiire, 4 abandi baahutara

140
0
SHARE

N’ebya Charles Etukuri

Pooriisi eizooba rya nyomwabazyo ehaamize okufa kw’abaana 4 omuri Sembabule bwanyima y’emotoka kubatomera n’abandi 4 baakahutara.

Faridah Nampiima, omugambirizi wa pooriisi ey’eby’ahanguuto agiizire ngu butandu egi ebaireho eihangwe rya nyomwabazyo, Orwamukaaga ebiro 16/7/2022.

“Pooriisi y’ahanguuto ahari Kabango omu tauni kanso ya Sembabaule omu disiturikiti niyo emwe ehandikire butandu y’emotoka y’ekiika kya Toyota Wish namba UBG 517L ebaire neruga ahanguuto ya Gomba erikuza omu tauni ya Sembabule, etomeire abaana 8 b’abaishiki, 4 baakafeeraho kandi abandi 4 bakatunga obuhuta bw’aamaani,” Nampiima arikugamba.

Abafiire bamanyirwe nka Winnie Namata, Joan Nalubega, Sylvia Babirye, Nabadda Macklin, boona b’emyaka 13 kandi abatungire obuhuta ni Molly Nanyonga, 12, Nabayego Nowelin,12, Christine Ndagire,14 years  n’ondiijo otamanyirwe.

Abaana aba boona n’abatuura ba Kyabi Trading Centre kandi abahutaire bariyo nibatungira obujanjaabi omu marwariro gatari gamwe na gamwe.

Abaana aba nibagambwa kuba babaire nibaruga kushaba ahakanisa obwo barikweteekateekyera okuteebwaho.

Butandu egi eizireho eshaaha nkye bwanyima y’omu pooriisi n’abandi bantu 5 b’eka ye kugwa omuri butandu ahanguuto eya Masaka kuza Kampala akasheeshe ka nyomwabazyo.

LEAVE A REPLY