Gavumenti yatongoza empaka z’okusiima abakoziregye omu kutungura eby’amagara omu Uganda.

296
0
SHARE

N’ebya Beth Akatukunda

Minisiture y’eby’amagara yatongozaho empaka z’omurundi gwaka 3 ey’okusiima amarwariro n’abashaho abakizireyo kukora gye omu kutungura eby’amagara ezibayeta “Heroes in Health Awards 2022.

Arikutongozaho empaka ezi aha mbuga nkuru za minisiture y’eby’amagara omuri Kampala, Minisita w’eby’amagara, Dr. Jane Ruth Aceng yaagira ngu ebirabo ebi nibeija kugabirwa abantu n’ebitongore ebirabe bikirizeyo kukora gye omu kutungura eby’amagara omu Uganda.

Naagira ngu empaka z’okutoorana abaraije kuheebwa ebiro nizeija kubaho ebiro 24/11/2022 kandi Purezidenti Yoweri Museveni niwe araije kukurira omukoro ogu ah’izooba eryo.

Minisita w’eby’amagara, Dr.Ruth Aceng n’abandi aha kutongoza empaka ezi: PHOTO: Mpalanyi Ssentongo

Ebirabo ebirikuza kugabwa harimu: eky’irwariro erya gavumenti erirabe rikozire gye omu mwaka, ery’omuntu buntu naryo erirabe rikozire gye, Irwariro eryatandikirweho aha musingye gw’ediini erirakore gye, ekirabo ky’okurwanisa omubaro gw’abakazi n’abaana abarikufeera omu izariro, ekirabo ky’okukoresa tekinologiya kuhisya gye abarwaire obuheereza burungi n’ebindi bingi.

Ebirabo ebindi nibaija kuheebwa dokita orakizeyo kukoragye, omuzarisa, omu Nurse n’abandi abarabe bakozire gye emirimo yaabo omu kutungura eby’amagara omu Uganda.

LEAVE A REPLY