Abany’ishengyero kubuganaho abarikukwatwaho omu by’amajuta.

117
0
SHARE

N’ebya Mary Karugaba

Nk’oku gavumenti etakakozire aha nshonga y’okweyongyera kw’emihendo y’amajuta, abany’ishengyero baikirize kubuganaho abirikukwatwaho boona omu by’amajuta ahabw’okwenda kumaraho ekizibu eki.

Omuhwezi wa Siipika, Thomas Tayebwa, aragiire akakiiko k’eby’obuhangwa bw’ensi kutaho enkiiko kandi baije bamanyise paramenti ebi baracwemu.

Okuragira kwa Tayebwa nikwijaho bwanyima y’okwanga ekihandiko ekiretsire minisita w’eihanga ow’eby’obugaiga bw’omwitaka aha nshonga y’okweyongyera kw’emihendo y’amajuta.

Beitu, Tayebwa naagira ngu nk’oku ekihandiiko kya minisita kibaire kitarikushoborora gye nk’oku ekizibu eki kirakorweho, akakiiko ak’eby’obuhangwa bw’ensi kaine kukora aha nshonga egi n’abarikukwatwaho boona.

 “Akakiiko nikaija kubangirwaho abahangu kandi nituteekateeka ab’orubaju orurikuhabura gavumenti naabo kugira ekibagamba aha nshonga niyo emwe omu kakiiko. Akakiiko kaine kubuganaho abo boona abarikukwatwaho omu by’amajuta”, Tayebwa nikwo arikugira.

Omuny’ishengyero Richard Oseku naashaba minisita okugaruza enshonga egi omu kabineti egaruke egishwijume n’ekigyendererwa ky’okurugayo n’omubazi gw’okumaraho okweyongyera kw’emihendo y’amajuta.

 “Gavumenti eshmereire kurugayo nekyerikuza kukora aha nshonga beitu kutari kuguma netonzya”, Ebi nebigambo bya Oseku.

LEAVE A REPLY