Pooriisi yagamba aha ebaire aha muhanda gw’egari y’omwika omuri Nakawa

172
0
SHARE

Pooriisi yagamba ahabantu abafereire omu butandu aha muhanda gw’egari y’omwika nka Caroline Aturinda na Norbert Tezikara.

Aturinda abaire aheerize emishomo y’ebiragiro ahari Law Development Centre obwo arikuza kujwara ebiro 29 by’okwezi oku kandi Tezikara abaire ari inginiya na Uganda Police Construction Unit. Butandu egi ebaireho burikusheesha nyomwabazyo aha Sunday kurugiirira ahari pooriisi.

Faridah Nampiima, omugambirizi wa pooriisi ey’ahanguuto yaagira ngu emotoka egi SUV erikwiragura ebaire erimu abantu 3 kandi boona baafiire.

Nampiima owaaba nagambaho n’abanyamakuru omu rukiiko orukubaho buri wiiki aha kitebe kikuru kya pooriisi omuri Naguru yaagira ngu n’eky’obusaasi kufeerwa abantu bato beitu yaajunaana omuvugi wa SUV agumize ngu torikubaasa kuraaba omu muhanda gw’egari y’omwika otareebire embanju zombi.

N’obu Nampiima atagamba omuntu owakashatu ofiire, amakuru agututungire nigoreka ngu ni Ann Kabaaya.

Akatambi aku pooriisi eshohoize nikoreka emotoka y’ekiika kya Mercedes Benz namba UBJ 053N erikutaha omu muhanda gw’egari y’omwika. Egari y’omwika nikwo kugitomera.

LEAVE A REPLY