Abeegi bahutaara bwanyima y’emotoka kwekunamura.

80
0
SHARE

N’ebya Jackie Nambogga

Emotoka ya Coaster, eyaaba erimu abeegi erikubatwara ah’ishomero yaaremererwa omuvugi waayo nikwo kwekunamura ekasiga abeegi abamwe n’obuhuta.

Omwegi owatunga obuhuta: PHOTO: JACKIE NAMBOGGA

Nathan Wagabaza, owaayerebera naage yaagira ngu emotoka eya namba UAM 936P yaaremererwa omuvugi waayo nikwo kutaahira omu mufuregye etyo ekekunamurira omu musiri gw’ebicoori haihi n’eishomero erya Nakanyonyi Primary ahari Bugembe omu rurembo orwa Jinja.

Emotoka egi neeya Ishomero erya Owen Falls Nursery and Junior School eririkushangwa omu municiparite ya Njeru aha ruguuto orwa Kayunga omu disiturikiti eya Buikwe.

Yusuf Baguma, kondakita wa motoka egi yaagira ngu emotoka yaaba yaaremwa kusiba.

Aha beegi 10 abaaba bari omu motoka egi, Baguma naagira ngu abeegi 2 nibo baaba kubi munonga kandi abaaba barimu n’omuvugi wa motoka egi orikugambwa kuba yacwekaho engaro ze ezimwe.

Omwegi owatunga obuhuta: PHOTO: JACKIE NAMBOGGA

Wagabaza hoona nabwo ori mukuru w’eishomero erya Nakanyonyi Primary School yaahamya amakuru aga.

“Omuvugi wa motoka yaamuremerera kandi yaaba arihakye n’okutahira omu beegi beitu abaaba nibataha omu gate y’ishomero, beitu nitusiima Ruhanga kureeba ngu tihaine owaafa”, Wagabaza nikwo arikugira.

Pooriisi tihaine ekiyagambire ahari butandu egi.

LEAVE A REPLY