Ekigombe ekya NRM kwijuza emyanya y’abarikukurira oburuuru bw’ekigombe eki.

136
0
SHARE

N’ebya Beth Akatukunda.

Ekigombe ekya NRM, neky’okwija kwijuza emyanya y’abarikukurira eby’oburuuru bw’ekigombe eki, aha rurengo rw’egomborora, emiruka n’ebyaro kuruga ebiro 10 kuhitsya ebiro 12/07/2022.

Dr. Tanga Odoi, orikukurira eby’oburuuru omu kigombe eki, naagira ngi ehuruuru egi egyendereire kwetebekanisiza oburuuru bw’okutoorana abakwatsi b’ebendera ahabw’akaruuru k’okutoorana obukiiko bw’abakazi aha rurengo rw’ebyaro.

Dr. Tanga naashoborora ngu hariho ba “registrar” abafiire, abarekwire hamwe n’abagyenzire bwanyima y’okutunga emirimo endijo.

Arangirire engenderwaho eshwijumirwemu ey’ekigombe eki ey’akaruuru k’obukiiko bw’abakazi aha rurengo rw’ebyaro akarikwija kuteerwa ebiro 14/07/2022.

Akakiiko k’abakazi kariho ceeyamaani, omuhwezi we, omuhandiki w’eby’esente, omuhandiki na “publicity secretary”.

Dr. Tanga naagira ngu akaruuru nikaija kuba ak’omugongo.

Naagira ngu eki kigyendereire kuteebekanisa abakwatsi b’ebendera obwo barikwetegurira akaruuru k’eihanga ryoona ak’okutoorana obukiiko bw’abakazi.

Okwezi okuhwaire, akakiiko k’eby’oburuuru ak’eihanga keemerize puroguraamu y’okuteera oburuuru bw’obukiiko bw’abakazi ahabw’okuburwa esente.

LEAVE A REPLY