Purezidenti Kagame ayeteekateekire ekirarugye omu rukiiko rwe na Tshisekedi

132
0
SHARE

N’ebya David Lumu 

Purezidenti wa Rwanda, Paul Kagame naagira ngu ayeteekateekire kyona ekirarugye omu rukiiko oru araagireho na Purezidenti wa DRC, Felix Tshisekedi omu eihanga erya Angola. 

Arikugambaho na Rwanda Broadcasting Agency, Kagame agiizire ngu nayendeza ebirungi Rwanda na DR Congo agumize ngu haaba hatarugiremu ebirungi omu rukiiko oru, nikyenda abe ayeteekateekire.

Okugamba kwa Kagame nikwijaho obwo arikweteekateekyera okubuganaho mutahi we owa DRC Tshisekedi omu rukiiko omuri Angola kugamba ahabuteikirizana oburi ahagati ya Kigali na Kinshasa.

Orukiiko oru nirwiija kukurirwa Purezidenti wa Angola, Joao Lourenco hoona ori na Chairperson wa International Conference of Great Lakes Region.

N’obu Congo erikujunaana Rwanda okushagika ekigombe ky’abahekyera ekya M23, orubaju orundi Rwanda nayo nejunaana Congo okuhwera ekigombe ky’abahekyera ekya Democratic Forces for the Liberation of Rwanda eki erikwegyekyerera kwenda kwenegyeza ebikorwa by’ekiita-bantu.

Okugamba ahagati ya Rwanda na DRC kutwaire nikushagikwa ekigombe ky’amahanga ga Africa ekya AU n’eky’amahanga aga EAC.

Purezidenti wa Angola, Lourenco naagira ngu orukiiko oru rugyendereire okwihaho obuteikirizana oburi ahagati y’amahanga aga gombi.

LEAVE A REPLY