Baana baafeera omu butandu – Hoima

178
0
SHARE

N’ebya Wilson Asiimwe

Abantu 4 baatomerwa kandi baafeeraho ahanguuto eya Hoima-Kaiso shaaha 1 z’akasheeshe aha haihi n’amaduuka ga Kyamukunjuki omugomborora eya Kitoba.

Abaafa baaba bari ahari piki ehandiikirwe omu namba UDW 280K obu baatomerwa enyuma emotoka y’ekiika kya Toyota Wish namba UBK 654V kurugiirira ahari Julius Muganda, omutuura wa Kitoba owareeba butandu egi erikubaho.

Aba bamanywa nka Elvis, Darius, Jackson na Onesmus, boona abatuura ba disiturikiti ya Kabale beitu babaire nibatuura omu tauni ya Chongambe omugomborora ya Buseruka. Emotoka eyabatomera negambwa kuba yaaba neza omu rurembo orwa Hoima.

Omugambirizi wa pooriisi ey’ekyanga ekya Albertine, Julius Hakiza yaagira ngu dureva otakamanyirwe yatsigaho motoka ye nikwo kuhunga omwanya ogu.

Okucondooza okwakorwaho nikworeka ngu butandu egi yaaretwaho dureva w’emotoka owaba naavugisa ekimama. Okucondooza kuriyo nikugyenda omumaisho.

LEAVE A REPLY