Omwe yaagwa kihuumura yaafa omu hururu y’okuhandiika ab’okuza omu mahe

301
0
SHARE

N’ebya Job Nantakiika

Omwe yaagwa kihuumura yaafa omu hururu y’okuhandiika ab’okuza omu mahe

Eki kyabaho eriizooba Sunday, 03/07/2022 ahakishaayi ky’egomborora ya Wakiso ahi okuhandiika abarikwenda kuza omumahe ga UPDF kwaba nikukorerwa.

Omunyeeto ogu otamanywa maziina yaagwa kihuumura bwanyima y’okwiruka kiromita 2 kuruga ahakishaayi kuza omu tauni ya Wakiso n’okugaruka.

Ogu yaabasa kugaruka omukishaayi beitu yaagwa kihuumura haihi na tenti ahi baba nibahandiikirwa.

Abaserukare baamukiriza bamutwara omu tenti nikwo kugyezaho kumuhwera kutunga omwoya beitu bashanga ngu yaaba yaafiire.

Abaserukare barikugyezaho kuyamba owagwa kihuumuraPhoto by Job Nantakiika

Omubiri gw’omunyeeto gwatwarwa ah’irwariro erya Mulago kurugiirira aha mugambirizi w’enkambi y’okubanza ey’amahe, Charles Kabona.

Kabona yaakyoreka ku baba nibenda abantu 588 kuruga omu disiturikiti 3000 ahabantu 3000 ababa baizire kuhandiikwa omu hururu egi.

“Abantu baija omubwingi kuhandiikwa kuza omumahe nikyoreka oku abanya Uganda barikukunda amahe hamwe n’okwehayo kukorera eihanga,” Kabona arikugamba.

Bimwe ahabirikwetengwa omuntu kuza omumahe g’eihanga, oshemereire kuba oine emyaka 18 kuhisya ahari 30, endanga-muntu, otashweire n’ebaruha kuruga owa Ceyamaani w’entebe y’okubanza.

Beitu hoona Kabona yaagira ngu abantu barikurenga omuri 300 babingwa ahabw’okucupura ebipapura byabo nk’endanga-muntu n’eby’obwegyese.

LEAVE A REPLY