KANSARA WA KYANGWALI OMURI HOIMA OTINISIRIZE OKUTEERA MINISITA BAMUSINDIKA AHA RUMANDA:

160
0
SHARE

N’ebya Ambrose Nuwagaba Katoto

Omuramuzi wa kooti y’eidaara ry’okubanza eya Hoima, Esther Asiimwe asindikire aha rumanda kansara w’egomborora ya Kyangwali omu disiturikiti ya Kikuube, Tumwesigye Nestori aha mushango gw’okutinisiriza n’okuhemba omuriro omubantu.

Kansara Tumwesigye naija kugaruka omu kooti 14/07/2022 kuhurikiriza okushaba kwemererwa.

Tumwesigye aretsirwe omumaisho g’omuramuzi w’idaara ry’okubanza omukooti ya Hoima, Esther Asiimwe nikwo kushomerwa emishango 2.

Emishango egi agikozire obu minisita w’eihanga w’eby’engyenda, Fred Byamukama abaire ari omu disiturikiti ya Kikuube kushomesa abantu aha puroguraamu ya gavumenti eya Parish Developemnt Model.

Kurabira omuri puriida we Raymond Kasaija, Tumwesigye ayehakaine emishango egi nikwo kushaba ngu ayemererwe eki omuhababi wa gavumenti, Julius Ochen yahakanisa.

Ochen amanyise Omuramuzi ngu Tumwesigye nibwo abaire aheerize kwemererwa aha mushango gw’okuteera kansara mutaahi we Zuria Nyakahara obwo agumize ngu yagaruka akaikirizibwa kwemererwa nabaasa kukora emishangp endijo.

Omuramuzi Asiimwe acweriremu kumusindika aha rumanda omu kihome kya gavumenti ekya Kiryatete omu rurembo rwa Hoima kuhitsya ebiro 14/07/2022 obu aragaruke omu kooti kuhurira okushaba kwe kwemererwa.

LEAVE A REPLY