kansara akwasirwe ahabw’okutinisiiriza kuteera minisita arikushomesa puroguramu ya PDM -Kyangwali.

345
0
SHARE

N’ebya; Ambrose Niwagaba Katoto

Kansara w’egomborora ya Kyangwali omuri disiturikiti ya Kikuube, Nestoli Tumwesigye akwasirwe  ahabw’okutinisiriza okuteera Minisita omuhwezi w’eby’emirimo n’engyenda Fred Byamukama.

Minisita Fred Byamukama abeire ari omu disiturikiti ya Kikuube okushomesa ahari puroguraamu ya gavumenti ey’okutungura emiruka.

Kansara Nestoli Tumwesigye okwasirwe; Photo: Ambrose Katoto

Okukwata kwa kansara Nestoli Tumwesigye kwizireho bwanyima ya Minisita okuragyira okukwatwa kwa bakuru b’abakozi aha miruka ababire nibiiha ebituga ah’abantu abigwizeho ebigombe bya biika oguze okutunga esente z’okutungura emiruka.

Omu babeire nibenda kukwatwa harimu owa woodi ya Bulimya omu tauni kanso ya Kikuube orikugambwa kuba ari muramu wa Tumwesigye, nikwo omu muringo gw’okumutonganiirira akahayira  ngu nabaasa okuteera minisita ahabw’okuba n’omwana muto ahari we.

Minisita Byamukama kwarebire byaba eby’okumujoga nikwo kuragyira ab’eby’okwerinda ngu bamukwate Nestoli.

Kansara okwasirwe barikumutwara aha pooriisi Photo: Ambrose Katoto

Abebeembezi ba Kikuube abarimu na RDC wa Kikuube Amlan Tumusiime bagamba ngu akajogano ka Tumwesigye kahingurine nangwa ngu enyimaho akaaba nayenda okuteera minisita omuhwezi w’ebye’itaka Sam Mayanja ari omu kibira kya Bugoma.

Minisita Byamukama agambire ngu tibarikuza okwikiriza abebeembezi abatine engyesho nka Nestori Tumwesigye.

Nestori Tumwesigye kooti nibwo eherize okumuhereza obweema ahamushango gw’okuteera kansara mutahi we zuria Nyakahara.

#WestUpdates

#Ekinihiiro 30.07.2022

LEAVE A REPLY