Col. Dr. Kizza Besigye na mutaahi we Samuel Mukaaku baikirizibwa kwemererwa.

220
0
SHARE

N’ebya Beth Akatukunda

Owabaire ayetsimbireho ahabwa Purezidenti, Col. Dr. Kizza Besigye na mutaahi we ou arikujunaanwa naawe, Samuel Lubega Mukaaku baikirizibwa kwemererwa aha musingo gwa sente z’aburiho ezirikwingana shiringi miriyooni 2 n’ekicweka buri omwe.

Besigye na Mukaaku baarebukaho omu kooti eya Buganda Road Chief Magistrate’s Court eyaaba ekurirwe orikukora nk’omuramuzi wa kooti enkuru, Douglas Singiza bwanyima y’ekiro kimwe, Omuramuzi wa kooti enkuru eya Kampala, Tadeo Asiimwe kwanga okushaba kwabo kw’okwemererwa.

Omukuhayo encwamu ye, Omuramuzi Dr. Singiza yacwera buri muntu oweyemerera Besigye na Mukaaku kushashura shiringi obukikuru 500 ezitari zaburiho kandi Besigye na mutaahi we baaragiirwa obutagira bigambo byona ebibagamba omu bantu aha bikwatiraine n’omushango gwabo okuhitsya obu okuguhurira kurahwe.

Col. Dr. Besigye n’amutaahi we batwiire omu kihome kuruga ebiro 15/06/2022 obu bakwatirwa omuri Kampala ahabw’okugambwa kuba babaire nibahemba omuriro omubanya Uganda ngu beesharinge ahabw’ekibayetsire gavumenti okuremwa kukora aha nshonga y’emihendo y’ebintu kuguma neyeyongyera kutemba.

LEAVE A REPLY