Ekikunga-musisa ky’abantu kiteemateemire ebigyere by’orikuteekateekwaho obushuma – Hoima

178
0
SHARE

N’ebya Ambrose Niwagaba Katoto

Orikuteekateekwa kuba omushuma ariyo naarwanira amagara gye bwanyima y’ekikunga-musisa ky’abantu kutemaho ebigyere bye nyekiro omu rurembo orwa Hoima.

Ekikorwa ky’obwinazi eki kibeireho nyekiro nka shaaha 7 omuri Busisi East cell omu divijooni eya Hoima West omu rurembo orwa Hoima.

Abatuura nibaagira ngu omushaija ogu owamanywa nka Matayo Kyaligonza, omutuura w’ekyaro nikyo kimwe akwatsirwe arikwiba.

Na bwanyima omushaija ogu anaagirwe heihi n’omuzigiti ahi abahinguzi baagureeba akasheeshe aka.

Ashraf Comrade, omutuura wa Busiisi East cell naagira ngu ku abaire abyami, ahurire abantu barikwirukanzya abarikuteekateekwa kuba abashuma obu abaire abyami kandi kubakwasireho omwe, bamutemaho ebigyere.

Nayongyera ashoborora ngu abantu aba babaire baibire omuzindaro, omufarasi, solar panel na battery yayo n’ebindi bintu.

Ramadan Twinomujuni, omuhandiiki w’akakiiko k’eby’okwerinda naagira ngu atungire riipota kuruga ow’omutuura omanyirwe nka Brian ngu abashuma batahiriire enju ye baiba ebintu bye.

Godfrey Mbabazi, chairperson w’ekyaro ekya Busiisi East we naagira ngu omushaija ogu abaire abiikire ebintu ebimwe eby’enyibano omunju ye ei arikupangisamu omu Kiryatete West omu rurembo orwa Hoima.

Pooriisi yaahika omunju ye ahi baazoora ebintu ebibiirwe hamwe n’ebyoma ebi abaire nakoresa kuhenda amanju g’abantu. Ebintu ebi byatwarwa aha pooriisi ya Hoima obwo okucondooza kurikugyendaomu maisho.

LEAVE A REPLY