Kampuni ya Vision Group yaatongozaho eibiikiro ry’amakuru, ery’okubanza.

128
0
SHARE

Kampuni ya Vision Group eriizooba yaatongozaho eibiikiro ry’empapura z’amakuru, ery’okubanza omu eihanga.

Omukoro gw’okutongoza eibikiro eri gwaba gukuriirwe Minisita w’eby’amakuru na tekinologiya, Dr. Chris Baryomunsi ah’itendekyero ery’amakuru na tekinologiya erya Makerere University College of ICT.
Eki nikimanyisa ngu abashomi b’empapura z’amakuru omunsi nibabaasa kutunga empapura za New Vision enkuru baaheeza kunyiga ah’ipeesha.

Arikugamba aha mukoro ogu, Dr. Baryomunsi yaatabarusya Vision Group ahabw’okutongozaho eibikiro eri, ery’okubanza omu eihanga.

Minisita yaakyoreka ku hariho enteekateeka y’okugaruzaho empapura ezabaire zirugireho ahabwa COVID19 nka Orumuri na Etop.

Orikukurira Vision Group, Don Wanyama yaagira ngu abashomi b’empapura z’amakuru nibaija kuba nibatunga empapura z’amakuru ahakasente kakye akarikuza kushashura emirimo y’obunyamakuru omu kampuni egi.

Yaashoboorora ngu bwanyima y’okutongozaho eibiikiro eri, abantu nibaija kubaasa kushoma empapura z’amakuru ezashohoziibwe emyaka 12 enyimaho.
Beitu hoona yaakyoreka ngu nibaija kuta empapura ez’emyaka ey’enyimaho kwiha bashohoza orupapura rwa New Vision orw’okubanza aha mikura ya karimagyezi.

LEAVE A REPLY