Museveni, tiimu kuruga Cuba bagaanire ahankwatanisa y’amahanga gombi

141
0
SHARE

N’ebya Angella Naturinda

Purezidenti Yoweri Museveni ayaakire kandi yaagiraho orukiiko na tiimu kuruga Cuba. Bagaanire ahanshonga ezirikukwata ahamahanga gombi n’okwongyera enkwatanisa yaago.

Tiimu egi ebaire eyebembeirwe Minisita w’enshonga z’aheeru y’eihanga erya Cuba, Bruno Rodriguez. Entumwa ya Cuba omu Uganda, Tania Perez Xiques naawe ahiikire omu rukiiko oru.

Orukiiko oru orubaire omumaka ga Purezidenti omu disiturikiti ya Ntungamo rwetabirwemu Minisita w’eihanga ow’enshonga z’omunda y’eihanga, Henry Okello Oryem.

Aharubaju rwe, Purezidenti Museveni agiizire ngu hariho emigisha y’okwongyera sente omubya sayansi, okukora emibazi erikubaasa kutunga akatare omu Uganda na Africa hamwe n’okuhingana emishuuburo.

Purezidenti agizire ngu Cuba nebaasa kugura eby’okurya nk’ebicoori, amate g’esaano n’ebihimba ahabahingi n’abariisa ba Uganda bahingane n’emibazi kuruga Cuba batakoreise sente.

Minisita wa Cuba, Rodrigues asiimire Purezidenti Museveni ahabw’okukwatanisa na Cuba na munonga omu kitongore ky’amahanga ga Africa ekya African Union.

Ogu agiizire ngu entaasya ya Cuba eyemereire aha makorero na munonga okukora emibazi n’eby’oburambuzi.

LEAVE A REPLY