Abantu 40,000 kuganyirwa omu PDM omuri Kampala n’emyanya egyehinguririze

158
0
SHARE

N’ebya Moses Kigongo

Abantu barikurenga 40,000 n’emishuuburo 1,200 bihandiikirwe kuganyirwa omu puroguraumu ya gavumenti eya Parish Development Model (PDM)  omuri Kampala n’emyanya egyehinguririze.

Ebi byagambwa omushuganisa wa puroguraamu egi omuri Kampala n’emyanya egyehingurize, Asia Nabisere obu yaaba nagamba oku PDM erikwija kukora omuri Kampala n’emyanya egyehingurize omu rukiiko rwaaba Minisita ahari hotel Africana akasheeshe aka.

“Turiyo nitutongoza puroguraamu egi omuri Kampala n’emyanya egyehinguririze. Twine amatsiko ngu bwaza kuhika ahamuheeru gw’okwamushanju, abantu nibeija kuba batungire esente za PDM kwetunguura,” Nabisere arikugamba omurukiiko oru.

Ogu yaagira ngu bumwe aha buremezi obu babugaine n’omubaro gw’ahaiguru gw’enshoberwa kuruga omu miruka etari emwe n’emwe hamwe n’abantu abarikwenda obuhwezi bwa puroguraamu egi beitu abatarahandiikirwe.

Orukiiko oru rukiriho kandi zimwe ahanshonga ezi bariyo nibagambaho harimu ahi puroguraamu yaahika omuri Kampala n’ebicweka ebigyehinguririze , bimwe ahabizibu ebi abashuganisa ba PDM barikubugana n’okubakubigarukamu.

Abakuru kuruga omu gavumenti bebembeirwe Minisita w’eihanga owa Kampala n’emyanya egyehinguririze, Kabuye Kyofatogabye hamwe n’omushuganisa wa PDM omu eihanga, Ssozi Galabuzi nibeija kutongozaho puroguraamu y’okushomesa abantu ahari PDM.

LEAVE A REPLY