Akaruuru K’okutoorana obukiiko bw’abakazi kayeemereziibwa

244
0
SHARE

Akakiiko k’eby’oburuuru kayeemereza akaruuru k’okutoorana obukiiko bw’abakazi akaaba kari ak’okuteerwa ebiro 07.07.2022.

Eki kijaho bwanyima ya minisiture y’eby’esente kumanyisa akakiiko ngu esente z’okutebeekanisa akaruuru aka tizikabonekire.

Omu baruuha ei Mukuru w’akakiiko k’eby’oburuuru, Justice Simon Byabakama yaashohoza, yaamanyisa abanya Uganda, abeebembezi b’ebigombe by’obutegyeki n’abakazi ngu za puroguraamu ezibaire zitsigaireyo kuhika aha kuteera akaruuru aka tizirikuza kubaho nk’oku zibaire zitebeekanisibwe.

Yaagira ngu za puroguraamu ezaaba ziri ez’okutandiika aha rwokubanza ebiro 27.06.2022 n’okuhandiika abarikwenda kwetsimba zayemerezibwa.

Justice Byabakama, yaagira ngu akakiiko kaaheza kutunga sente, nikiija kuba nikamanyisa abanya Uganda obu akaruuru aka karateerwe.

LEAVE A REPLY