Minisita Jim Muhwezi arabwire ahakurya ebituga ahabwa sente z’emiruka

109
0
SHARE

N’ebya David Lumu

Minisita w’eby’okwerinda, Maj. Gen. Jim Muhwezi yaagira ngu tihaine oshemereire kushashuze esente z’okuhandiika abantu ahabwa puroguraamu y’emiruka eya Parish Development Model.

Obu abaire nagamba omurukiiko orubaire omu ishaaza erya Rujumbura ahi ori omuny’ishengyero nyomwabazyo Orwakashatu, 22/6/2022, Gen. Muhwezi agiizire ngu abantu boona bashemereire kuba bahandiikirwe akakiiko k’emiruka yaabo kubaasa kutunga esente za puroguraamu ya Parish Development Model.

“Parish Development Model ni puroguraamu ya gavumenti erikwija kuhwera abanya Uganda boona oihireho ebibiina by’obutegyeki ebi barikushagika,” Muhwezi nikwo agambire.

Minisita agiizire ngu nibeija kucondooza kandi bakwaate abariyo nibarya ebituga omu kuhandiika abarikwenda kwejumbira omu purogyekiti y’emiruka.

Wiiki ehwaire, Minisita w’eby’okwerinda akaraagire abarikukurira eby’okwerinda omu disiturikiti (DISO) kureebuza emirimo ya puroguraamu egi kandi n’okukwata abarikushashuza ebituga abarikwenda kwejumbira omu puroguraamu egi.

Purezidenti Yoweri Museveni akatongozaho PDM Okwakabiri omwaka ogu ah’ishomero erya Kibuku omuri Bukedi ahi yaagizire ngu puroguraamu egi egyendereire okuhwera abantu kutandikira aharurengo rw’omuruka kutunguura entaasya y’amaka gaabo.

Eihanga ryine emiruka 10,594 erikwija kuganyirwa omu purogyekiti egi obwo buri muruka gurikutunga shiringi miriyooni 100.

Enganzi y’eihanga, Hon. Robinah Nabbanja agiizire ngu bur’isheka oyehandikise na SACCO y’omuruka naija kuheebwa miriyooni 1. 

LEAVE A REPLY