Eirwariro erya Mbarara Referral Hospital, ritungiire ekiconco ky’okuba ekitongore kya gavumenti ekikoziregye omwaka ogwa 2021/ 2022.

88
0
SHARE

N’ebya Beth Akatukunda

Eirwariro erihango erya Mbarara Referral Hospital ritungiire ekiconco ky’okuba ekitongore kya gavumenti ekikirizeyo kukoragye omwaka ogwa 2021/2022 omu kuhitsya abantu obuheereza obwo ririkusinga amarwariro agandi omu ihanga.

Ekiconco eki kyakiirwe mukuru w’eirwariro erya Mbarara, Dr. Celestine Barigye aha kishaayi kya Kololo ahu ekiro kya Public Service Day eky’omurundi gwa 11 kibaire eizooba rya nyomwebazyo.

Ekiconco eki Mbarara Referral Hospital etungiire. Photo: Halson Kagure.

Halson Kagure, omugambirizi w’eirwariro erya Mbarara, ahaamize ngu eirwariro eri ritungire obucweka 79 ahari 100.

Omu bigambo bye, Dr. Barigye ayorekire amashemererwa ahabw’okutunga ekiconco eki arikwongyeraho ngu nakamanyisa karikworeka ngu gavumenti etwire nereebuza ebi eirwariro ritwaire nirikora.

“Nimpurira nyine amashemererwa mingi, tinyine bigambo by’okworeka okunshemerirwe aha mutima”, Dr. Barigye nikwo arikugamba.

Ekiconco eki Mbarara Referral Hospital etungiire. Photo: Halson Kagure

Dr. Barigye hoona nabwo nasiima obushagiki bwa gavumenti kurabira omu bitongore bya gavumenti nka minisiture y’eby’amagara erikureberera eirwariro erya Mbarara na minisiture y’abakozi ebikozire omwoga muhango omu kureeba ngu abakozi bayongyerwa amaani omu miringo etari emwe n’emwe.

Francis Mugisha, Senior Accountant w’eirwariro eri, naagira ngu ashemerirwe munonga kuhurira ngu eirwariro erya Mbarara ryatunga ekiconco.

Okurugiirira ahari Mugisha, hoona nabwo ori memba w’akakiiko kakuru k’eirwariro eri, okutunga ekiconco nk’eki nikigaruzamu abakozi amaani.

“Nikirungi kushanga ngu abantu basiimire obuheereza bweitu kandi nituza kugumizamu nitubaheereza”,Mugisha.

LEAVE A REPLY